"Барса" Хулиан Альварес трансфери бўйича қарор қабул қилди

«Барселона»  раҳбарияти «Атлетико» ҳужумчиси Хулиан Альварес учун курашни давом эттиришга қарор қилди. Бу ҳақда El Nacional нашри хабар бермоқда.

Хабарга кўра, каталонияликлар ўз таклифини оширишга тайёр. «Арсенал» томонидан Альваресга қизиқиш кучайгани, шунингдек, асосий алтернатив вариант сифатида кўрилган «Борнмут» форварди Эли Жуниор Крупининг жиддий жароҳат олиши «Барселона» раҳбариятини қийин қарор олдида қолдирган.

Нашр маълумотича, айнан шу омиллар «Барселона» президенти Жоан Лапортани ҳужум чизиғини кучайтириш учун Альваресдан бошқа реал вариант қолмаганига ишонтирган.

Аввалроқ Хулиан Альварес жамоасини ўзгартириш истагини ошкора айтган эди. Шунга қарамай, «Атлетико» раҳбарияти оммавий равишда аргентиналик футболчини сотиш режаси йўқлигини маълум қилди.