“Барса” “Вильярреал” ҳужумчисини 50 миллионга сотиб олиши мумкин

"Барселона" "Вильярреал" ҳужумчиси Алберто Молейрони кузатиб бормоқда ва 22 ёшли футболчининг яқинлари билан алоқада бўлиб турибди. “Кўк-анорранглилар” жамоасида ўйинчининг ривожланиши ижобий баҳоланади. Бу ҳақда Спорт.эс хабар бермоқда.

Манба маълумотларига кўра, Молейро шартномасида 50 миллион евро миқдорида тўлов кўрсатилган. Шу билан бирга, "Барселона" қизиқиш билдирган тақдирда, "Вильярреал" ҳужумчининг нархи бўйича музокаралар олиб бориши шарт. Футболчининг ўзи "блауграна"да ўйнашни орзу қилади.

Жорий мавсумда Молейро барча мусобақаларда 43 та ўйинда иштирок этиб, 10 та гол ва 6 та голли узатмани амалга оширди. Футболчининг клуб билан амалдаги меҳнат шартномаси 2030 йилнинг ёзигача мўлжалланган. Transfermarkt порталида тақдим этилган маълумотларга кўра, футболчининг бозор қиймати 40 миллион еврони ташкил этади.