“Барса” мундиалда порлаган ҳужумчини трансфер қилмоқчи

Каталониянинг “Барселона” клуби Испания терма жамоаси таркибида жаҳон чемпионатида ўзини кўрсатаётган Микель Оярсабални сотиб олиш имкониятини кўриб чиқмоқда.

Манбага кўра, Роберт Левандовски кетганидан кейин клуб янги ҳужумчи қидирмоқда. Шу билан бирга, Хулиан Альвареснинг трансфери бўйича вазият ҳам ноаниқ бўлиб қолмоқда.

Шу сабабли Оярсабаль трансфери тобора қийинлашиб бораётган аргентиналик ҳужумчига муқобил вариант сифатида кўрилмоқда.

Ўтган мавсумда Оярсабаль “Реал Сосьедад” сафида 40 та ўйин ўтказиб, 18 та гол урди ва 4 та голли узатма амалга оширди. Transfermarkt маълумотига кўра, унинг бозор қиймати 25 миллион еврони ташкил қилади.