“Барса” катта трансферни эълон қилди

Испаниянинг амалдаги чемпиони “Барселона” Х ижтимоий тармоғидаги саҳифаси орқали ҳужумчи Ферран Торреснинг ПСЖга ўтганини расман эълон қилди.

Аввалроқ ОАВ Франция клуби 26 ёшли ҳужумчи трансфери учун 50 миллион евро тўлаши ҳақида хабар берган эди.

Торрес 2022 йил январидан бери “Барселона” сафида тўп тепиб келди. Шу давр мобайнида ҳужумчи барча мусобақаларда 207 та ўйинда иштирок этиб, 65 та гол урди ва 23 та голли узатмани амалга оширди.

Transfermarkt портали маълумотларига кўра, футболчининг трансфер қиймати 55 миллион еврони ташкил этади.