"Барса" футболчисидан юз ўгиришди

«Барселона» ярим ҳимоячиси Марк Бернальнинг «Ливерпуль»га ўтиши деярли имконсиз бўлиб қолди. «Қизиллар» бош мураббийи Андони Ираола ёш ва истиқболли хавбекнинг катта мухлиси сифатида тилга олинаётган, шу боис англиялик клуб футболчи учун жиддий даъвогарлар қаторида эди. 

Бироқ Sport нашри маълумотича, «Ливерпуль» раҳбариятиБернални сотиб олиш ғоясидан воз кечган.

Аввалроқ испаниялик таянч ярим ҳимоячи учун 2027 йил ёзида тахминан 60 миллион евро тўланиши мумкинлиги айтилганди. Аммо «Барселона» бош мураббийи Ханс-Дитер Флик 19 ёшли футболчини мунтазам равишда майдонга тушира бошлади. Шу боис яқин йилларда уни сотиш эҳтимоли деярли йўққа тенг.

Қолаверса, «янги Бускетс» деб аталган Берналь билан 2031 йилгача мўлжалланган янги шартнома бўйича келишув ҳам амалга оширилган. Бу эса унинг келажаги ҳозирча «Барселона» билан боғлиқлигини яна бир бор тасдиқлайди.