“Барса” бир футболчи учун ўз юлдузидан воз кечади

Каталониянинг «Барселона» клуби «Ювентус» қанот ҳимоячиси Андреа Камбьязони олиш режасини ҳали ҳам ўзгартиргани йўқ. Бу ҳақда La Gazzetta dello Sport хабар берди.

Манбага кўра, «кўк-анорранглилар» италиялик футболчини харид қилиш бўйича келишувга Рональд Араухони ҳам қўшиш вариантини кўриб чиқмоқда.

Манбанинг таъкидлашича, «Ювентус» бош мураббийи Лучано Спаллетти Камбьязога ишонишда давом этмоқда.

Бироқ туринликлар молиявий чекловлар туфайли футболчини сотиш эҳтимолини ҳам истисно қилмаяпти.

Ўтган мавсумда Камбьязо барча мусобақаларда 47 та учрашувда иштирок этиб, 3 та гол урди ва 5 та голли узатма берди. Унинг клуб билан амалдаги шартномаси 2029 йил ёзигача амал қилади.

Transfermarkt портали футболчининг бозор қийматини 20 миллион евро деб баҳолаган.