Баҳодир Жалоловнинг азалий рақиби фаолиятини якунлади

Сўнгги 10 йилда оғир вазн тоифасидаги жуда кўплаб боксчилар ўз фаолиятини якунлади.

Шулар қаторида, қозоғистонлик чарм қўлқоп устаси, Олимпия ўйинлари совриндори, жаҳон чемпионатининг икки карра финалчиси, Осиёда тўрт карра кумуш медални қўлга киритган Камшыбек Кункабаев қўлқопларини михга илди.

Маълумот учун, ҳамюртимиз Баҳодир Жалолов ва Камшыбек Кункабаев ҳаваскор боксда 10 маротаба тўқнаш келган. Уларнинг 7 тасида "Катта ўзбек", 3 тасида Қозоғистон вакили ғалабани тантана қилган.