Баҳодир Жалолов: "Усик ва Жошуага қарши жангларга тайёрман"

Ҳаваскор боксда икки карра Олимпиада чемпиони бўлган супероғир вазн тоифасидаги чарм қўлқоп устамиз бугун Астанада Top Rank промоутерлик компанияси томонидан ташкил этилаётган турнир доирасида украиналик Игорь Шевадзуцкийга қарши рингга кўтарилади. 

Боксчимиз Турки ал аш-Шейхга тегишли The Ring журнали мухбирига берган интервьюсида супероғир вазн тоифасида WBC, WBA ва WBO йўналишлари чемпиони украиналик Александр Усик, шунингдек, британиялик собиқ чемпион Энтони Жошуа билан жанг қилишга тайёрлигини айтган. 

"Мен чемпионлик йўлида узоқ йўлни босиб ўтдим. Профессионал боксда ўз олдимга қўйилган мақсадларни амалга ошириш фурсати етиб келди. Имкон қадар тезроқ чемпионлик жангини қўлга киритишни истайман. Мен жаҳон чемпионлик камари учун кечадиган жангларга 100 фоиз тайёрман. Хэвивей чемпионлари билан жангларга шайман. Усик, Жошуа — улар билан жангга тайёрман" — дея Жалоловнинг сўзларини келтирмоқда "The Ring".

Бу ҳақда Ўзбекистон профессионал бокс федерацияси хабар берди.