Баҳодир Жалолов ноябрь ойида рингга кўтарилади

Профессионал боксда фаолиятини давом эттираётган Баҳодир Жалоловнинг навбатдаги жанг санаси эълон қилинди. 14 ноябрь куни Тошкентдаги “Humo Arena” мажмуасида "Lift Promotions" томонидан ташкил этиладиган халқаро профессионал бокс кечасида Баҳодир Жалолов рингга кўтарилади. Бу ҳақда лиганинг расмий Instagram саҳифасида хабар берилди.

Ҳозирча Жалоловнинг рақиби маълум эмас. Шунингдек, ушбу бокс оқшомида Шаҳрам Ғиёсов, Лазизбек Муллажонов, Аълохон Абдуллаев, Озодбек Алиев, Суҳроб Қаюмов ва яна бир нечта ўзбекистонлик боксчилар ҳам рингга чиқиши кутилмоқда.

Маълумот учун, икки карра Олимпия чемпиони Баҳодир Жалолов сўнгги жангини 6 октябрь куни Россиянинг Санкт-Петербург шаҳрида бўлиб ўтган “IBA Pro 10” турнирида маҳаллий боксчи Виталий Кудуховга қарши ўтказиб, ҳакамлар қарорига кўра ғалаба қозонган эди.