Баҳодир Жалолов номидаги бокс мактаби спортчилари Осиё чемпионатида 13 та медалга эга чиқди

Хабарингиз бор, Тошкент шаҳрида ўтказилган бокс бўйича Осиё чемпионатида кичик ўсмирлар ўртасидаги баҳслар якунига етди. Мусобақада Ўзбекистон U-15 терма жамоаси 13 та олтин, 8 та кумуш ва 6 та бронза, жами 27 та медал билан умумжамоа ҳисобида Осиёда тенгсиз эканини намойиш этди.

Ҳамюртларимиз сафида юртимиз шарафини ҳимоя қилган Баҳодир Жалолов номидаги боксга ихтисослаштирилган спорт мактаби вакиллари 13 та медални қўлга киритди:

5 та олтин медаль
6 та кумуш медаль
2 та бронза медаль

Бу ҳақда Ўзбекистон Республикаси Спорт вазирлиги хабар бермоқда.