Бадавлат клуб икки етакчиси ўрнига мундиалда порлаган фуболчиларни олиб келади

“Ньюкасл Юнайтед” жамоадаги йўқотишларни қоплаш ва таркибни кучайтириш учун Германия Бундеслигасидан футболчилар сотиб олишни режалаштирмоқда.

Бу орқали клуб “Барселона”га ўтган Энтони Гордон ҳамда 117 миллион еврога “Тоттенхэм”га ўтиш арафасида турган Сандро Тоналининг ўрнини тўлдиришни мақсад қилган.

Бу ҳақда TEAMtalk хабар бермоқда.

Манбага кўра, инглиз клуби Бундеслигада иккита трансферни тез фурсатда якунлашни режалаштирган ва ҳозирда Базумана Туре ҳамда Йохан Манзамбини сотиб олиш устида фаол иш олиб бормоқда.

Гордоннинг ўрнига асосий номзод сифатида “Хоффенхайм” ва Кот-д'Ивуар терма жамоасининг 20 ёшли қанот ҳужумчиси Базумана Туре кўрилмоқда. Ивуарлик футболчи Германиядаги илк тўлиқ мавсумида 5 та гол уриб, 12 та голли узатмани амалга оширди.

Бундан ташқари, “қарғалар” раҳбарияти “Фрайбург” ва Швейцария терма жамоасининг 20 ёшли ярим ҳимоячиси Йохан Манзамби трансфери бўйича ҳам музокараларда сезиларли илгарилашга эришган. У ўтган мавсумда барча мусобақаларда 47 та ўйин ўтказиб, 7 та гол ва 9 та голли узатма муаллифи бўлган.

Ҳар икки номзод 2026 йилги жаҳон чемпионатида иштирок этиб, ўз салоҳияти ва талантини намойиш эта олди.