Азим Аҳмедовни "Турон"да кутишяпти

Яқинда “Навбаҳор” клуби билан хайрлашган 30 ёшли ярим ҳимоячи Азим Аҳмедовнинг янги мавсумни қайси жамоа таркибида бошлаши мухлислар учун қизиқ туюлаётгани бор гап.

Тажрибали ўйинчининг хизматига кўз тикаётган клублар йўқ эмас. Sports.uz олган маълумотга қараганда, футболчига Суперлигага қайтган “Турон” жамоасидан таклиф бўлмоқда. Бу бежиз эмас, боиси, “Турон” ўтган йили ҳам Азим билан шартнома имзолашга уриниб кўрганди.

Бу сафар ҳам “Турон” “Навбаҳор” билан хайрлашган ярим ҳимоячига жиддий қизиқиш билан қарамоқда. Ҳозирча томонлар бир тўхтамга келишгани йўқ. Чунки Азим Аҳмедов олдида бошқа таклифлар ҳам йўқ эмас. Тез орада барча масалага ойдинлик киритилади.