Айтжан Халмаханов финалда, Шермуҳаммад Шарибжонов ўтиш босқичида курашади

Бугун Хорватия мезбонлик қилаётган спорт курашлари бўйича жаҳон чемпионати якунига етади. Мусобақанинг сўнгги кунида юнон-рум курашчиларимиз медаллар учун баҳс олиб боришади.

-63 кг вазн тоифасининг саралаш босқичида барча рақибларини мағлубиятга учратган Айтжан Халмаханов кечки дастурда чемпионлик учун гиламга чиқади. Шунингдек, -67 кг вазн тоифасида яна бир ҳамюртимиз Шермуҳаммад Шарибжонов бронза медали учун ўтиш босқичида курашади.

Финал:
-63 кг: Айтжан Халмаханов – Чунг Хан-Жае (Корея Республикаси)

Ўтиш босқичи:
-67 кг: Шермуҳаммад Шарибжонов – Себастян Над (Сербия)

Бу ҳақда МОҚ хабар бермоқда.