"Атлетико" "Реал"нинг Альварес бўйича таклифига кескин жавоб қайтарди

"Атлетико" Хулиан Альварес учун "Реал" томонидан берилган 150 миллион евролик таклифдан кейин расмий баёнот билан чиқди.

Мадридликлар баёнотида рақиб клубни ҳазиломуз тарзда танқид қилди.

1. Сиз Папанинг "Атлетико" мухлиси эканини айтган видеосини қисқартириб қўйгансиз.

2. Одоб-ахлоқ билан миннатдорликни адаштириб юборган кўринасиз. Ҳеч қандай шубҳа қолмаслиги учун айтамиз: сизга ҳеч нима учун раҳмат айтмаймиз.

3. Биз Хулиан Альварес бўйича ҳеч қандай таклифни кўриб чиқмаяпмиз ва муҳокама ҳам қилмаяпмиз.

4. Қандай қилиб муносабатларимиз ёмон бўлиши мумкин? Ахир сиз бизни "Барселона"дан ҳам кўпроқ кулдирасиз, — дейилади баёнотда.

Шу тариқа, "Атлетико" раҳбарияти аргентиналик ҳужумчини сотиш нияти йўқлигини яна бир бор очиқчасига маълум қилди.

Жаҳонгир Иномжонов