"Атлетико" "Камп Ноу"да тарихий натижа қайд этди

Европа Чемпионлар лигасининг чорак финали доирасида "Атлетико" клуби "Барселона"ни "Камп Ноу"да 2:0 ҳисобида мағлуб этди.

Бу мадридликларнинг 2006 йилдан бери каталонияликлар стадионидаги илк ғалабаси ҳисобланади.  Ўшанда "матрасчилар" Испания чемпионати доирасида 3:1 ҳисобида ғалаба қозонган, ўйинда Фернандо Торрес дубль қайд этган эди.

Шу вақтдан бери жамоалар "Камп Ноу"да 26 марта тўқнаш келган ва "Атлетико" бирорта ҳам ғалаба қозона олмаган.

Қайд этиш жоиз, 2024 йилда Диего Симеоне шогирдлари "кўк-анорранглилар"ни  сафарда мағлуб этган, бироқ ушбу ўйин "Монжуик" стадионида бўлиб ўтган эди.