ATF Championship лигаси раҳбари Музаффар Раджабов “ATF Championship 21” турнири қачон ва қаерда бўлишини маълум қилди!

Юртимизда илк ташкил топган ММА промоушени ATF Championship бироз танаффусдан сўнг, яна ўз фаолиятини бошлади. Хабарингиз бор, ушбу лига 20 та турнир ўтказиб, бироз танаффус қилган эди. Юртимиз яккакураш олами ёрқин намояндаси, мазкур лига асосчиси ва раҳбари Музаффар Раджабовнинг маълум қилишича, “ATF Championship 21” турнири 16 июнь куни Бухоро шаҳрида ташкил этиладиган бўлди.
Бу гал ҳам юртимизнинг истеъдодли вакиллари билан бир қаторда хорижлик юқори савиядаги спортчилар ушбу кечада жанг қилади. “ATF Championship 21” турнирига оид янгиликлар билан сизни бохабар қилиб борамиз. Воқеалар ривожини бизда кузатиб боринг!