“Астон Вилла” ПСЖ ололмаган дарвозабонга дарров таклиф жўнатди

Англиянинг “Астон Вилла” клуби “Парма” ва Япония миллий терма жамоаси дарвозабони Дзион Судзукининг ПСЖга ўтиши амалга ошмай қолганидан кейин унинг трансфери бўйича сўров юборди.

Бу ҳақда журналист Фабрицио Романо X ижтимоий тармоғидаги саҳифасида маълум қилди.

Инсайдер маълумотига кўра, Бирмингем клуби Париж жамоасининг 35 миллион евролик таклифини такрорлашга ва дарвозабон билан узоқ муддатли шартнома тузишга тайёр.

Аввалроқ оммавий ахборот воситаларида  парижликлар комиссион тўловлар шартлари ўзгаргани сабабли дарвозабонни сотиб олишдан воз кечгани ҳақида маълумот пайдо бўлган эди.

Судзуки 2024 йил ёзида Бельгиянинг “Сент-Трюйден” клубидан 7,5 млн еврога “Парма”га ўтган. Ўтган мавсумда япониялик 22 та ўйин ўтказиб, 30 та гол ўтказиб юборди ва олти марта ўз дарвозасини дахлсиз сақлади.

Transfermarkt маълумотига кўра, унинг бозор баҳоси 30 миллион еврога тенг.