Асаубаева Синдаров билан муносабатлари тарихини очди

Қозоғистонлик шахматчи Бибисара Асаубаева ўзбекистонлик гроссмейстер Жавоҳир Синдаров билан муносабатларига оид янги тафсилотни очиқлади, деб хабар бермоқда Sports.kz.

Асаубаева ўзининг телеграм-каналида обуначилардан бири берган саволга жавоб қайтарди. Ундан Синдаров билан қай вақтдан бери учрашиб юриши ҳақида сўрашган. Шахматчи аниқ санани айтмади, аммо қизиқ ишора бериб ўтди.

— Агар сир бўлмаса, Жавоҳир билан қай пайтдан бери учрашиб юрибсиз?
— Ўйлайманки, аниқ вақтни бир куни албатта айтаман. Лекин даъвогарлар турниридан кейин жуда кўп хабарлар кўрдим: кимдир мен у билан Гран-придан кейин танишганман, деб ўйлаган, яна кимдир эса, бундан ҳам ҳазилроқ қилиб, гўё даъвогарлар турнири даврида (2026 йил баҳори) муносабат бошланган, деб ёзган. Фақат битта нарсани айта оламан: ўшанда унинг рейтинги ҳали 2700 га етмаганди.

Шу тарзда, қозоғистонлик спортчининг сўзларидан маълум бўлишича, у Синдаров билан мулоқотни гроссмейстернинг рейтинги 2700 чегарасидан ошишидан анча олдин бошлаган.

Эслатиб ўтамиз, ўзбекистонлик гроссмейстер илк бор Эло рейтингидаги 2700 поғонасини 2023 йилнинг охирида забт этган. Бу натижага у ноябрь ойида ўтказилган FIDE Grand Swiss (Катта Швейцария турнири) мусобақасидаги муваффақиятли иштирокидан сўнг эришган. Ушбу турнирда Синдаров 8-ўринни эгаллаб, бир қатор етакчи шахматчиларни мағлуб этган. ФИДЕнинг расмий рейтинг рўйхатларида 2701 кўрсаткичи 2023 йил декабрида қайд этилган.