Артета жароҳатланган футболчилар ҳақида гапирди

"Арсенал" бош мураббийи Микель Артета матбуот анжуманида жамоадаги кадрлар ҳолатига тўхталиб ўтди.

"Сака? Унинг сони билан боғлиқ муаммо анча яхшиланди. Яқин орада сафга қайтишига умид қиламан. Эдегор тикланмоқда, бу бир неча кунлик масала. Тимбер жойида — у дам олиш кунларида ўйнашга тайёр.

Доуман ҳали машғулотларда қатнашмади. Унга бир неча ҳафта керак бўлади, аммо у ривожланмоқда. Мерино эса, афсуски, бир неча ойга сафдан чиқди. Биз уни қўллаб-қувватлашимиз керак, чунки у жамоага катта фойда келтиради", — деди Артета журналистларга.

7 февраль, шанба куни "Арсенал" Англия чемпионати доирасида ўз майдонида "Сандерленд"ни қабул қилади.