Аршавин: "Роналду Португалияни ҳали ҳам қийин аҳволда қолдириши мумкин"
- 24-июн, 02:31
- Bilolbek Imomov
- 0
- Футбол
Россия терма жамоасининг собиқ футболчиси Андрей Аршавин Португалия терма жамоаси ҳужумчиси Криштиану Роналду ҳақида ўз фикрларини билдирди.
Роналду 2026 йилги Жаҳон чемпионати гуруҳ босқичида Ўзбекистонга қарши баҳсда дубль қайд этиб, жамоасининг 5:0 ҳисобидаги йирик ғалабасига ҳисса қўшган эди.
Учрашувдан кейин майдонни тарк этаётган португалиялик юлдуз камерага қараб икки марта "Мен қайтдим!" дея хитоб қилди.
Аршавинга Роналдунинг ҳақиқатан ҳам ўзининг энг яхши формасига қайтган-қайтмагани ҳақида савол берилди.
"Йўқ, албатта йўқ. У Португалияни қийин аҳволда қолдиради", — деди Аршавин.
Қайд этиш жоиз, Роналду Ўзбекистонга қарши учрашувда икки гол урган бўлса-да, унинг мундиалнинг ҳал қилувчи босқичларида жамоага қай даражада ёрдам бера олиши футбол жамоатчилиги орасида баҳс мавзуси бўлиб қолмоқда.