“Арсенал”нинг янги ҳужумкор футболчиси Христос Цолис сон орти мушакларидан олган жароҳати сабаб уч ҳафтагача майдонга туша олмаслиги мумкин.
Цолис бу жароҳатни Миллатлар лигасида Греция терма жамоасининг Нидерландияга қарши учрашувининг биринчи бўлимида олган. Баҳс 2:2 ҳисобида якунланган.
24 ёшли футболчи даволаниш учун терма жамоа ихтиёрини тарк этиб, муддатидан олдин “Арсенал”га қайтди.
Metro Грециядаги манбасига таянган ҳолда хабар беришича, жума куни ўтказилган текширув натижалари Цолиснинг тикланиши икки-уч ҳафта давом этишини кўрсатган.
Шу тариқа, энг ёмон сценарийда Цолис “Арсенал”нинг Премьер-лигада “Лидс” ва “Ноттингем Форест”га қарши, шунингдек, Чемпионлар лигасида “Лилль” ва “Бавария” билан бўладиган учрашувларида жамоасига ёрдам бера олмаслиги мумкин.