“Арсенал” ва “Ливерпуль” рақиб топган юлдузни олиб кетмоқчи

«Арсенал» ва «Ливерпуль» каби йирик клублар «Брентфорд» ҳужумчиси Кевин Шадега қизиқиш билдирмоқда.

Шаде 2023 йил июль ойида «Фрайбург»дан 20 миллион фунт эвазига «Брентфорд»га ўтган. У ўтган ёзда амалдаги шартномасининг якунига икки йил қолган пайтда янги мавсумни бошлади.

Шаде янги мавсумни жуда яхши бошлади  ва  Премьер-лиганинг дастлабки бешта учрашувида учта гол урди. Бу эса 24 ёшли Германия терма жамоаси футболчисига бўлган қизиқишни янада кучайтирмоқда.

Sky Sports маълумотларига кўра, Шадега энг кучли қизиқишни «Арсенал» ва «Ливерпуль» билдирмоқда. Шу билан бирга, Кевин «Тоттенҳэм» ва «Челси»нинг ҳам эътиборида.

«Брентфорд» футболчига бўлган қизиқишга қарши чора кўришга ҳаракат қилмоқда ва Шаде билан яхшиланган шартлар асосида янги узоқ муддатли шартнома бўйича музокараларни бошлаб юборди.