“Арсенал” тезда катта трансферни якунламоқчи

Англиянинг амалдаги чемпиони “Арсенал” июль ойи тугамасидан олдин “Ньюкасл” ярим ҳимоячиси Бруно Гимараэснинг трансфери бўйича келишувга эришишни режалаштирмоқда.

Talksport нашри маълумотига кўра, Гимараэс “Арсенал”нинг асосий трансфер мақсади ҳисобланади ва клуб раҳбарияти аллақачон “Ньюкасл” билан оғзаки музокараларни бошлаб юборган.

Хабар қилинишича, “тўпчилар” бразилиялик футболчи учун уч марта оғзаки таклиф билдирган. Айни вақтда Лондон клуби Бруно учун 70 миллион фунт стерлингдан ортиқ маблағ тўлашга тайёр.

“Ньюкасл” ўз сардорини йўқотишни истамаяпти ва ҳатто у билан янги шартнома имзолашга ҳам тайёр. Бироқ Брунонинг ёши ва унинг қатъий равишда “Арсенал”га ўтиш истаги “қарғалар”ни трансферни кўриб чиқишга ундамоқда.

Шунга қарамай, “Ньюкасл” бу трансфер тарихи бутун ёз давомида чўзилиб кетишини истамайди. “Арсенал” эса 28 ёшли бразилияликнинг трансфери айнан бошланган ҳафта давомида келишиб олинишига умид қилмоқда.