"Арсенал" Салиба билан янги шартнома тузишни режалаштирмоқда

Лондоннинг "Арсенал" клуби асосий марказий ҳимоячиси Вильям Салибага янги 5 йиллик шартнома таклиф этмоқчи. Бу ҳақда "Foot Mercato" хабар берди.

Манбага кўра, ҳали келишувга эришилмаган, аммо томонлар музокараларни давом эттирмоқда. Аввалроқ "канонирлар" Букайо Сака билан ҳам янги шартнома имзолашни режалаштираётгани маълум қилинганди.

Ҳозирги пайтда Салибанинг "Арсенал" билан тузган шартномаси 2027 йил ёзигача амал қилади. 24 ёшли ҳимоячи Transfermarkt томонидан 80 миллион евро баҳоланмоқда.

Эслатиб ўтамиз, 2025 йил давомида футболчи номзоди бир неча бор Мадриднинг "Реал" клуби билан ҳам боғланган эди.