“Арсенал” кетган ҳужумчи ўрнига зўрини топди
- 19-июл, 16:38
- Zohir Toshxo’jayev
- 0
- Футбол
Бельгиялик ҳужумкор футболчи Леандро Троссарни Туркиянинг “Бешиктош” клубига қўйиб юборган “Арсенал” бу позицияга янги ўйинчи топди.
“Канонирлар” энди Бельгиянинг “Брюгге” клуби вингери Христос Цолисни сотиб олиш бўйича келишувни расмийлаштиришга тайёрланмоқда.
Куни кеча “Арсенал” Троссарнинг 17 миллион фунт эвазига “Бешиктош”га ўтиши бўйича келишувга эришилганини эълон қилди.
BBC хабарига кўра, “Арсенал” Троссар ўрнига тахминан 30 миллион фунтга сотиб олиниши мумкин бўлган Цолисни таклиф қилмоқчи.
Айтилишича, “Арсенал” спорт директори Андреа Берта аллақачон Цолис трансферини келишиш устида иш олиб бормоқда. У ўтган ойда Греция ва Швеция терма жамоалари ўртасидаги учрашувда футболчини шахсан кузатган.
“Брюгге” раҳбарияти ўз ўйинчисига “Арсенал” қизиқаётганидан хабардор ва 24 ёшли грек футболчиси трансфери бўйича аниқ таклиф кутмоқда. Цолис Бельгия клуби сафида 108 учрашувда 43 та гол урган.
Цолис Англия футболи билан ҳам яхши таниш. У 2021 йилдан 2024 йилгача “Норвич” сафида 30 ўйинда 3 та гол урган.