“Арсенал” икки футболчини сотиб юборади

“Арсенал” ижрочи директори Ричард Гарлик клуб Майлс Льюис-Скелли ва Итан Нванерини сотиш бўйича таклифларга очиқ эканини тасдиқлади.

Льюис-Скелли ўтган мавсум сўнгида ярим ҳимоячи сифатида кутилмаганда ўзини жуда яхши кўрсатди. Аммо “Арсенал”даги юқори рақобат сабаб Майлснинг келажаги ҳали ҳам ноаниқлигича қолмоқда.

Нванери эса бу ёзда “Марсель”даги ижара муддатидан сўнг “Арсенал”га қайтди ва ҳозир ҳам ўз фаолиятида муҳим қарор қабул қилиш арафасида турибди.

Гарликнинг сўзларига кўра, “Арсенал” ўз тарбияланувчиларидан қутулишга уринмаяпти, аммо муносиб таклифларни кўриб чиқишга тайёр.

- Футболчилар ҳақида жуда кўп миш-мишлар бор. Мен бошқа клубларга уларга қизиқиш билдиришни тақиқлай олмайман. Назаримда, Майлс ўтган мавсумнинг охирини ажойиб ўтказди ва бу мавсумни ҳам жуда яхши бошлади. Шунинг учун биз ундан жуда-жуда мамнунмиз.

Итан ҳам мавсумолди тайёргарликни ажойиб ўтказди. Ўйлайманки, энди ҳаммаси уларнинг фаолиятини ривожлантиришга ёрдам берадиган имкониятлар қандай бўлишига боғлиқ.

Биз бу ўз академиямиз тарбияланувчиларини фаол тарзда сотишга интилмаяпмиз. Аммо агар уларнинг ўзи ва клуб учун ҳам тўғри бўлган муносиб имконият пайдо бўлса, албатта, уни кўриб чиқамиз, - деди Гарлик BBC нашрига.