“Арсенал” ашаддий рақиб – “Сити”нинг энг зўр ҳимоячисини олиб кетмоқчи

Англия Премьер-лигасининг амалдаги ғолиби – Лондоннинг “Арсенал” клуби келаси мавсум олдидан “Манчестер Сити”нинг асосий ҳимоячиларидан ҳисобланган Рубен Диашни  трансфер қилишга қизиқиш билдирмоқда.

TransferFeed маълумотига кўра, “канонирлар” Португалия терма жамоаси ҳимоячисини жаҳон чемпионати тугагач, расман сотиб олишга ҳаракат қилади.

Рубен Диаш 2020 йилда “Бенфика”дан 71 миллион евро эвазига “Манчестер Сити”га олиб келинган эди. Унинг клуб билан шартномаси 2029 йилнинг 30 июнигача амал қилади.

29 ёшли ҳимоячи ўтган мавсум барча мусобақаларда 33 та ўйинда майдонга тушиб, 2 та гол урган. Transfermarkt унинг бозор қийматини 55 миллион евро деб баҳоламоқда.