Арман Царукян кимни танлади: Волкановскиними ёки Евлоевни?

Таниқли UFC жангчиси Арман Царукян ҳамюрти Мовсар Евлоев ва ярим енгил вазн тоифасида UFC чемпиони Александр Волкановски билан баҳсга тайёрлигини айтди.

"Агар Евлоев енгил вазн тоифасидаги камарни қўлга киритганида, у билан жанг қилардим. Бироқ ўртага ҳеч қандай титул тикилмаса, Волкановскига қарши октагонга чиқишни маъқул кўраман. Чунки у кўпроқ медиа шахс ҳисобланади", – деди Арман Адам Зубайраевга берган интервьюсида.

Маълумот учун, Царукян профессионал ММАда ҳозирга қадар 23 та ғалаба (15 таси муддатдан аввал) ва 3 та мағлубият қайд этган.