Аргентина юлдузи Жаҳон чемпионатини ўтказиб юбориши мумкин

Аргентина терма жамоаси ярим ҳимоячиси Нико Пас 2026 йилги Жаҳон чемпионатида иштирок эта олмаслиги мумкин.

Footmercato нашрининг хабар беришича, футболчининг Италия чемпионатининг 36-турида "Верона"га қарши учрашувда олган тизза жароҳати аввал ўйланганидан ҳам жиддийроқ бўлиб чиққан.

Шу сабабли Пас узоқ муддат майдондан четда қолиши мумкин. Агар у тикланиб улгурмаса, унинг ўрнига "Астон Вилла" ярим ҳимоячиси Эмилиано Буэндия Аргентина терма жамоасига чақирилиши мумкин.

Нико Пас ўтган мавсум "Комо" сафида А Серияда 35 та учрашувда иштирок этиб, 12 та гол ва 6 та ассист қайд этган эди.