Аргентина J гуруҳида юз фоизлик натижа қайд этди, Австрия ва Жазоир ҳам плей-оффга чиқди

Аргентина терма жамоаси Жаҳон чемпионати J гуруҳини биринчи ўринда якунлаб, плей-оффга йўл олди.
⠀
3-турда аргентиналиклар Иорданияни 3:1 ҳисобида мағлуб этди. Лионель Скалони шогирдлари гуруҳ босқичидаги учала учрашувда ҳам ғалаба қозониб, 9 очко тўплади. Жамоа плей-офф йўлланмасини ушбу баҳсдан аввалоқ расмийлаштириб бўлган эди.
⠀
Иордания эса учта ўйинда ҳам мағлубиятга учраб, очкосиз қолди ва гуруҳда тўртинчи ўринни эгаллаган ҳолда мусобақани тарк этди.
⠀
Гуруҳнинг яна бир баҳсида Австрия ва Жазоир ўртасидаги учрашув 3:3 ҳисобидаги жанговор дуранг билан якунланди. Натижада Австрия иккинчи, Жазоир эса учинчи ўринни эгаллаб, ҳар икки жамоа ҳам плей-офф босқичига йўл олди.
⠀
1/16 финалда Аргентина Кабо-Вердега қарши майдонга тушади. Австрия Испания билан куч синашса, Жазоирнинг рақиби Швейцария бўлади.