Арбелоа: "Винисиус биз билан қолиб, тарих яратишда давом этишини хоҳлайман"
- 23-январ, 20:38
- Abdukarim Atayev
- 0
- Футбол
"Реал Мадрид" бош мураббийи Альваро Арбелоа "Вильярреал"га қарши учрашув олдиндан бир нечта саволларга жавоб берди.
"Вильярреал" ажойиб рақиб, бироқ биз ғалаба қозониш учун қандай ўйин олиб бориш кераклигини яхши биламиз. Менимча, бу сафардаги энг мураккаб ўйинларимиздан бири бўлади. Тўғри, биз айрим қийинчиликларга дуч келдик, аммо "Монако" га қарши учрашувдан сўнг жамоа яхши тарафга ўзгариши мумкин. Кеча футболчиларнинг қандай ғайрат билан машқ қилаётганини кўрдим ва умид қиламанки, биз бу темпни сақлаб қолишда давом этамиз. Родриго сафга қайтди ва у эртанги учрашувда майдонга тушади".
Винисиус билан шартномани узайтириш бўйича янгилик борми?
"Бу менга боғлиқ эмас, бу клуб ва футболчининг иши. Лекин, мен унинг шу ерда қолиб, тарих яратишда давом этишини хоҳлайман".
Ҳимоя чизиғини кучайтиришни режалаштиряпсизми?
"Мен таркибдан мамнунман. Агар керак бўлса академия футболчиларни таклиф қиламиз. Бизда бир нечта иқтидорли ёш футболчиларимиз бор", - деди "қироллик клуби" бош мураббийи.
Эслатиб ўтамиз, "қаймоқранглилар" Ла Лиганинг 21-турида "Виллярреал" майдонига сафар қилади. Бу жамоалар ўртасидаги учрашув 24 январдан 25 январга ўтар кечаси Тошкент вақти билан соат 01:00 да старт олади.