Арбелоа: "Родриго жамоа учун ҳал қилувчи фигурага айланиши мумкин"

"Реал Мадрид" бош мураббийи Альваро Арбелоа жамоа ҳужумчиси Родриго ҳақида фикр билдирди.

"Родриго жамоа учун жуда муҳим футболчи бўлиши керак. Жароҳатлардан олдин ҳам у шундай эди. У ҳал қилувчи ва калит фигурага айланиши мумкин. Родриго кўп йиллар давомида “Реал” сафида ўз сифатини исботлаб келмоқда.

У ҳужумнинг учала позициясида ҳам ўйнай олади. Унинг техникаси, майдонни кўра билиши, ҳужумга қўшилиши, якунлаш маҳорати ва бирга-бир вазиятлардаги ўйини юқори даражада. У жуда универсал футболчи ва унга қарши ҳимояланиш осон эмас. Родриго бизга кўп вариантлар беради ва мен унинг қайтишини жуда истайман. У аста-секин ўйин дақиқаларини кўпайтириб, янада муҳим фигурага айланишига умид қиламан", — деди Арбелоа журналистларга.

2 март, душанба куни "Реал" Ла Лига доирасида "Хетафе"ни қабул қилади.