Арбелоа “Реал”нинг аламли мағлубиятига ким айбдор эканини айтди

Испания чемпионатининг 26-турида “Реал” ўз майдонида “Хетафе”ни қабул қилиб, кутилмаганда аламли мағлубиятга учради.

Учрашувнинг 39-дақиқасида Сатриано томонидан киритилган ягона гол меҳмонларнинг кичик ҳисобдаги ғалабасини таъминлади.

Ўйиндан кейин мадридликлар бош мураббийи Альваро Арбелоа мағлубият учун жавобгарликни ўз зиммасига олди.

- Мен айбдорман. Бу фақат менинг хатом. Бугунги ўйиндаги жасоратидан кейин футболчиларимни айблай олмайман. Ишларимизни яхшилаш ва ўйинимизни кучайтириш учун салоҳиятимиз бор, лекин асосий жавобгарлик менинг бўйнимда, - деди Альваро Арбелов.

Экспертларнинг таъкидлашича, “Реал”нинг натижалари пасайиб бораётган Альваро Арбелоанинг клубдаги келажагига таъсир қилиши мумкин.