Арбелоа: Мен бор эканман “Реал”да бир дақиқа ҳам ўйнамайсан!
- 16-май, 14:23
- Zohir Toshxo’jayev
- 0
- Футбол
Мадриднинг “Реал” клубига январь ойида бош мураббий этиб тайинланганидан кейин Альваро Арбелоа футболчилардан бири билан зиддиятга киришган.
AS нашри хабар беришича, испаниялик мутахассис жамоа ҳимоячиси Франсиско Гарсияга: “Менинг қўл остимда бир дақиқа ҳам ўйнамайсан”, - деб уқтирган.
Манба маълумотига кўра, Арбелоанинг қанот ҳимоячиси Альваро Каррерас билан муносабатларида ҳам таранглик юзага келган.
Футболчи мураббийнинг айрим қарорларини шубҳа остига қўйганидан кейин Арбелоа унга: “Ўзинг мураббийлик лицензиясини ол”, - деган ва орага совуқчилик тушган.
Таъкидланишича, испаниялик мутахассис Мадрид клубига келганидан бери Гарсия барча турнирларда атиги 10 та учрашувда иштирок этган холос.
26 ёшли футболчининг клуб билан амалдаги шартномаси 2027 йил ёзигача мўлжалланган.