Арбелоа кутилмаганда таслим бўлди
- 22-май, 22:49
- Zohir Toshxo’jayev
- 0
- Футбол
“Реал”ни январь ойидан бери бошқариб келаётган бош мураббийи Альваро Арбелоа мавсумнинг сўнгги ўйини олдидан ўтказилган матбуот анжуманида “Қироллик клуби”ни тарк этаётганини маълум қилди.
Бу ҳақда журналист Фабрицио Романо ўз ижтимоий тармоқларида хабар берди.
Арбелоа “Реал”га нисбатан ўзига имконият бергани учун катта миннатдорлик ҳиссини туяётганини таъкидлади.
- Мен “Реал”ни улкан миннатдорлик билан тарк этмоқдаман, чунки футболчилар билан ишлаш мени кучайтирди ва ҳар бир кундан завқ олишимга сабаб бўлди, - деди Альваро Арбелоа.
Испания матбуоти маълумотига кўра, “Реал”нинг янги бош мураббийи Жозе Моуринью бўлади. Португалиялик мутахассис аввал ҳам 2010–2013 йилларда “Қироллик клуби”да бош мураббий бўлган ва жамоа билан Испания чемпионлиги, Испания кубоги ҳамда Суперкубогини қўлга киритган.