Арбелоа дуранг учун ғаройиб баҳона топди

“Реал” Испания чемпионатининг 31-турини бошлаб берди ва ўз мухлислари кўз ўнгида “Жирона”ни енголмай, қимматли очколарни йўқотди.

Ўз майдонида 1:1 ҳисобида дуранг ўйнаган мадридликлар Ла Лига пешқадами “Барселона”дан битта ўйин кўп ўтказган ҳолда олти очкога ортда қолмоқда ва жамоа амалда чемпионлик курашидан чиқиб бўлган.

Альваро Арбелоа “Жирона”га қарши ўйиндан кейин очко йўқотиш сабаблари ҳақида фикр билдирди.

- Ҳар қандай рақибни мағлуб этиш учун 200 фоиз куч билан ўйнаш керак. Биз эса ҳар доим хатто имкониятларимизнинг 90 фоизини ҳам ишга солмаяпмиз.

Агар сен ўзингдан кучсиз жамоаларга қарши ишончли ўйнамоқчи бўлсанг, тўлиқ куч беришинг шарт. Акс ҳолда бундай тасодифлар тез-тез такрорланади, - деди Альваро Арбелоа.