АПЛ. "Манчестер Юнайтед" сафарда "Лидс" билан очко бўлишди

Англия Премьер-лигасининг 7-туридан ўрин олган «Лидс» — «Манчестер Юнайтед» учрашуви дуранг натижа билан якунланди.

Учрашувда жамоалар биттадан гол уришди. 35-дақиқада Брайан Мбеумо меҳмонларни ҳисобда олдинга олиб чиққан бўлса, 51-дақиқада Доминик Калверт-Льюин «Лидс»га дурангни тақдим этди.

Шу тариқа, «Лидс» очколарини 10 тага етказиб, Англия Премьер-лигаси турнир жадвалида 10-ўринга кўтарилди. Ғалабасиз серияси олтита ўйинга етган «Манчестер Юнайтед» эса 7 очко билан 13-поғонада қолди.