АПЛ. "Манчестер Юнайтед" драматик ўйинда "Ноттингем Форест"ни мағлуб этди

АПЛ 37-туридан ўрин олган учрашувда "Манчестер Юнайтед" ўз майдонида "Ноттингем Форест"ни 3:2 ҳисобида мағлуб қилди.

“Олд Траффорд”даги баҳсда ҳисобни 5-дақиқада Люк Шоу очди. Иккинчи бўлим бошида Фелипе Морато мувозанатни тиклади.

Орадан икки дақиқа ўтиб, Матеус Кунья “қизил иблислар”ни яна олдинга олиб чиқди. 76-дақиқада эса Бруну Фернандешнинг ассистидан кейин Брайан Мбёмо жамоасининг учинчи голига муаллифлик қилди.

“Ноттингем Форест” 78-дақиқада Морган Гиббс-Уайт орқали яна бир гол урди, аммо меҳмонлар камбэк қилишга улгурмади.