АПЛ. “Манчестер Сити” ўз уйида йирик ҳисобда ғалаба қозонди

Англия Премьер-лигасининг 15-тур ўйинлари давом эттирилди.

“Этиҳад” стадионида ўтказилган беллашувда майдон эгалари йирик 3:0 ҳисобида ғалаба қозонди. Дастлаб 31-дақиқада Рубен Диаш гол уриб “шаҳарликлар”ни олдинга олиб чиқди. Орадан 4 дақиқа ўтиб Гвардиол орадаги фарқни иккитага оширди. 65-дақиқада Райан Шеркининг “рабона”услубида ошириб берган тўпини Фил Фоден боши билан дарвозага жойлаб қўйди. Ўйин якунига қадар ҳисоб бошқа ўзгармади ва “Манчестер Сити” муҳим ғалабани қўлга киритди.

Шу тариқа, “шаҳарликлар” 31 очко билан турнир жадвалининг иккинчи поғонасини банд этиб турибди.