АПЛ. “Брайтон” ўз уйида “Челси”ни мағлуб этиб, турнир жадвалида ўтиб кетди

АПЛнинг 34-туридан ўрин олган яна бир учрашув ўз ниҳоясига етди.

“Брайтон” ўз уйида “Челси”ни қабул қилиб, 3:0 ҳисобида таслим қилди. Дастлаб 3-дақиқадаёқ Ферди Кадиоғлу ҳисобни очди, 56-дақиқада эса Жек Хиншелвуд оралиқ фарқни иккитага оширди. Шунингдек, 90+1-дақиқада Уэлбек ҳам ўз номини таблога ёздириб қўйди.

Шу тариқа, мезбонларнинг очколари сони 50 тага етди ва жамоа турнир жадвалида 6-ўринда бормоқда. “Аристократлар” эса 48 очко билан 7-поғонадан жой олган.