АПЛ. "Астон Вилла" ва "Бёрнли" ғалаба қозонди, "Ноттингем Форест" дуранг ўйнади

Англия Премьер-лигасининг 26-туридан ўрин олган навбатдаги 3 та беллашув ҳам ўз ниҳоясига етди. 
 
"Астон Вилла" ўз майдонида "Брайтон"ни қабул қилиб, 86-дақиқадаги автогол эвазига минимал ҳисобда зафар қучди. 
 
7 дақиқа ичида 3 та гол уриб, 2:0 ҳисобини 2:3 кўринишига келтирган "Бёрнли" сафарда "Кристал Пэлас"ни мағлубиятга учратди. 
 
Аутсайдерлар ўртасидаги тўқнашувда эса нурсиз дуранг қайд этилди. "Ноттингем Форест" ҳамда "Вулверхэмптон" 1 очкодан бўлишиб олишди.