АПЛ. «Арсенал» ўз уйида камбэк амалга ошириб, «Лидс»ни мағлуб этди

Англия Премьер-лигасининг 6-туридан ўрин олган «Арсенал» — «Лидс» учрашуви ўз ниҳоясига етди. Мазкур беллашувда «тўпчилар» 2:1 ҳисобида ғалаба қозонди.

Дастлаб, 55-дақиқада меҳмонлар футболчиси Жеймс Жастин ҳисобни очди. 62-дақиқада эса Риккардо Калафьори мувозанатни тиклади. 70-дақиқада Калафьори яна бир бор ўз номини таблога ёздириб, «Арсенал»га ғалабани тақдим этди — 2:1.

Шу тариқа, Микель Артета шогирдларининг очколари 15 тага етди ва жамоа турнир жадвалида 2-ўринни эгаллаб турибди.