АПЛ. «Манчестер Юнайтед» «Тоттенхэм»га қарши ўйинда сўнгги дақиқаларда ғалабани қўлдан чиқарди

Англия Премьер-лигасининг 6-туридан ўрин олган «Манчестер Юнайтед» — «Тоттенхэм» учрашуви дуранг билан якунланди. «Қизил иблислар» ўз майдонида ғалабани сақлаб қола олмади.

Учрашувнинг 73-дақиқасида Брайан Мбеумо ҳисобни очиб, манкунианликларни олдинга олиб чиқди. Бироқ баҳс якунига яқин «Тоттенхэм» ҳисобни тенглаштиришга муваффақ бўлди. Доминик Соланке 90+2-дақиқада гол киритиб, жамоасига муҳим очко олиб берди.

Шу тариқа, жамоалар бир очкодан бўлишиб олди.