Анвар Бердиев узоқ вақт ишсиз қолмади ёхуд у собиқ клубига қайтди
- 11-июн 2025, 01:31
- Shuhratbek Jo’rayev
- 0
- Футбол
47 ёшли мухлисларга яхши таниш бўлган мутахассис Анвар Бердиевнинг охирги иш жойи “Шўртан” клуби бўлганини биласиз. 2023 йилдан буён ушбу клубда ишлаб келган мураббий яқинда истеъфога чиқди. Бердиев “Шўртан”да 64 та ўйинда жамоани бошқариб, шундан 21 тасида ғалаба қозонди. 17 баҳсда дуранг ва 26 та учрашувда мағлубият қайд этилди.
Анвар Бердиев мураббий сифатида Фарғонанинг “Истиқлол”, “Бухоро”, “Турон” ва “Шўртан”да фаолият кўрсатди. Энди эса у футболчи сифатида ўзининг қадрдон клуби ҳисобланган “Нефтчи” жамоасига қайтди. Маълум бўлишича, “Шўртан”дан кетганига ҳали кўп бўлмаган Бердиев “Нефтчи”га селекционер мураббий вазифасида қайтди.
Бу ҳақида клуб матбуот хизмати хабар берд ва шундай ёзади:
“Анвар Қурбонивич Бердиев 1978 йилнинг 11 май куни Қашқадарё вилоятида туғилган. Футболчилик фаолиятини 1994 йилда Муборакнинг "Машъал “ клубида бошлаган. 1997 йилдан „Насаф“да давом эттирган. 2000 йилда „Нефтчи“ жамоасига таклиф этилган Анвар Бердиев ўзбек футболида катта муваффақиятларга эришади. 2001 йилда футболчи Ўзбекистон чемпиони, 2012 йилда эса чемпионатнинг энг яхши тўпурарларидан бири бўлади. 2012 йил 29 декабрда IFFHS фаол ўйинчилар орасидан дунёнинг энг муваффақиятли Топ-дивизион тўпурарлари рўйхатини эълон қилди. Анвар Бердиев фаолияти давомида 433 та ўйинда иштирок этиб, 205 та гол урган ҳолда рўйхатда 18-ўринни эгаллади. 2012 йил 31 декабрда IFFHS янгиланган рўйхатини эълон қилади ва Анвар Бердиев 240 та гол билан 326 нафар футболчи орасида 296-ўринни эгаллади.
1998 йил 24 апрелда футболчи Озарбайжон термасига қарши ўйинда Ўзбекистон миллий терма жамоаси либосида дебют ўйинини ўтказди. Жами терма жамоамиз сафида 5 та учрашувда майдонга тушиб, 2 та гол уришга муваффақ бўлди. Бугунги кунда 225 та гол киритган Анвар Бердиев Ўзбекистон чемпионатлари тариҳида энг яхши тўпурарлардан бири ҳисобланади.
2019 йилнинг август ойида футболчилик фаолиятини якунлаган Анвар Бердиев Фарғонанинг “Истиқлол” клубида Сергей Лебедевга ёрдамчи мураббий сифатида ишга киришади. 2023 йилдан 2025 йилнинг май ойига қадар "Шўртан" клуби бош мураббийи лавозимида фаолият олиб борди”, - дея хабар бермоқда “Нефтчи” матбуот хизмати.