Антони: "Мен буни қасддан қилмадим, апелляция берилади"
- 25-ноябр 2025, 01:42
- Bilolbek Imomov
- 0
- Футбол
"Бетис" вингери Антони "Жирона"га қарши ўйинда олган қизил карточкаси ҳақида фикр билдирди.
Бразилиялик футболчи Ла Лига 13-тури доирасидаги "Жирона"га қарши ўйиннинг (1:1) охирида майдондан четлатилган эди. 89-дақиқада Антони энг баланд кўтарилишда зарба беришга уриниб, Хоэлю Роке юзига оёқ билан тепган. Бош рефери Иосу Галек Апецтегия эпизодни монитордан кўриб, Антонини майдондан чиқарган.
"Бетис" Антонининг қизил карточкасига апелляция бериши ҳақида хабар қилинган. 30 ноябрь куни жамоа "Севилья"га сафардa қарши ўйин олиб боради.
Антони эса вазиятни изоҳлади: "Мен буни қасддан қилмадим. Шунинг учун апелляция берамиз. Мен позициямни ютган эдим. Зарба беришга уринганимда рақибни кўрмадим, фақат тўпга эътибор қаратдим. Бу ВАР қарори бўлди, ҳакам ҳам мен бунга қасд қилмаганимни тушунди.
Уйда бутун кеча бу ҳақда ўйладим ва деярли ухламадим. Албатта, дисквалификацияни бекор қилишга уринмоқчимиз. Бу ўйин қанчалик муҳимлигини биламан ва иштирок этмоқчиман".