Анри: "Вест Хэм"га қарши ўйин "Арсенал" учун хавфли бўлиши мумкин"

"Манчестер Сити" "Эвертон" билан ўйинда очко йўқотганидан сўнг Тьерри Анри "Арсенал" тақдири ҳам шунга ўхшаш бўлиши мумкинлигидан хавотир билдирди.

Франциялик собиқ футболчига кўра, "тўпчилар"ни олдинда "Вест Хэм"га қарши жуда оғир баҳс кутиб турибди. Айни пайтда "болғачилар" оғир вазиятда — улар умидсиз ҳолатда, шунинг учун янада хавфли рақибга айланади.

"Манчестер Сити" очко йўқотади, деб ўйламаган эдим. Бу ерда ҳеч қандай “балки” бўлиши мумкин эмас. Мен "Арсенал" учун хавотирдаман, чунки уларни "Вест Хэм"га қарши ўйин кутиб турибди", — деди Анри BBC Sport’га берган изоҳида.

Эслатиб ўтамиз, "Вест Хэм" ва "Арсенал" ўртасидаги учрашув 10 май куни бўлиб ўтади.