Англия клуби ҳамма унутиб юборган ҳужумчини олиб келмоқчи
- 6-сентябр, 14:30
- Zohir Toshxo’jayev
- 0
- Футбол
“Манчестер Юнайтед”нинг собиқ ҳужумчиси Антони Марсьяль ҳозирда эркин агент мақомида юрибди ва “Эвертон”га қўшилиши мумкин. Бу ҳақда talkSPORT хабар берди.
Манба маълумотларига кўра, мерсисайдликларнинг Марсьяльга қизиқиши жамоанинг ҳужум чизиғини кучайтириш зарурати билан боғлиқ.
Ливерпуль клуби ўтган ёзда “Монако”дан Фоларин Балогунни сотиб ололмади. Марсьяль эса ҳозир “Эвертон”га ўтиши мумкин, чунки у эркин агент ҳисобланади.
Марсьяль “Лион” тарбияланувчиси бўлиб, аввал Франциянинг “Монако”, Англиянинг “Манчестер Юнайтед”, Испаниянинг “Севилья”, Грециянинг АЕК ва Мексиканинг “Монтеррей” клубларида ҳам ўйнаган.
Transfermarkt сайти маълумотларига кўра, илгари энг қиммат ўйинчилардан ҳисобланган француз футболчисининг ҳозирги бозор қиймати 3,5 миллион еврони ташкил қилади.
“Манчестер Юнайтед” таркибида Марсьяль Англия кубоги, иккита Лига кубоги, мамлакат Суперкубоги ва Европа лигасида ғолиб чиққан. Франция терма жамоаси билан футболчи Миллатлар лигаси совринини қўлга киритган.