Англия клуби энг тезкор футболчини қўлга киритди
- 2-сентябр, 18:21
- Zohir Toshxo’jayev
- 0
- Футбол
Англиянинг “Лидс” клуби ёзги трансфер ойнасидаги сўнгги хариди Германиянинг “Айнтрахт” клуби вингери Жан-Маттео Баойя бўлди.
“Лидс” Баойяни 2026/2027 йилги мавсум охиригача 1,7 миллион фунт эвазига ижарага олди. Шундан сўнг клуб 24 миллион фунт, жумладан, 4,3 миллион фунтлик қўшимча тўловларни ўз ичига олган сумма эвазига футболчини сотиб олиш опциясидан фойдаланиши мумкин.
Камерунлик илдизларга эга 21 ёшли француз футболчиси Бундеслига тарихидаги энг тезкор футболчи экани билан танилган. У 2025 йил март ойида “Бохум”га қарши учрашувда 37,16 км/соат тезликка эришган.
Баойя “Лидс”да 1 сентябрь куни сотиб олиш опцияси билан ижара асосида “Фиорентина”га ўтган Вильфред Ньонттонинг ўрнини эгаллади.
Баойя 2024 йил январь ойида “Анже”дан ўтганидан кейин “Айнтрахт” сафида барча мусобақаларда 78 та учрашув ўтказиб, еттита гол урди ва саккизта голли узатмани амалга оширди.