Англия клуби бирданига тўрт юлдузни олади

Англия Премьер-лигасининг ўртамиёна жамоаларидан ҳисобланган “Эвертон” келаси мавсум учун юқори мақсадларни қўйди ва таркибини шунга яраша кучайтириб олишга бел боғлади.

Мерсисайдликлар бу режасини амалга ошириш учун тўрт нафар инглиз футболчисини трансфер нишонига айлантирди.

Бош мураббий Дэвид Мойес клуб раҳбариятини агар жамоа таркиби бироз кучайтирилса, еврокубоклар учун кураша олишини маълум қилди.

Эвертон” спорт бўлими ҳужум чизиғи учун асосий номзод сифатида Лиам Делапни танлади. Бу форвард ўтган ёзда “Челси”га ўтган бўлса-да, “аристократлар” жамоасида кутилган ўйинни кўрсата олмади.

Шунингдек, Мойес асли “Манчестер Сити”га тегишли бўлган ва бу мавсум жамоада ижара асосида ўйнаган Жек Грилишни яна сақлаб қолишни истамоқда. “Эвертон” плеймейкерни тўлиқ трансфер қилиш бўйича иш олиб боради.

Дэвид Мойес ҳимоя чизиғи учун икки машҳур футболчи – “Манчестер Сити”дан Жон Стоунз ва “Арсенал”дан Бен Уайтни танлаган.