"Андижон"га хорижлик жисмоний тайёргарлик бўйича мураббий келди

"Андижон" клуби мураббийлар штабига янги мутахассис қўшилди. Эндиликда сербиялик тажрибали мутахассис Бранко Чирич жисмоний тайёргарлик бўйича мураббий сифатида иш бошлади. 

У 1983 йилнинг 21 май санасида таваллуд топган. Чиричнинг охирги клуби Қозоғистоннинг "Астана" клуби ҳисобланади. Шунингдек, Вождовац (Сербия), Актау (Қозоғситон), Раднички (Сербия), Чукарикчи (Сербия) каби клубларда ҳам жисмоний тайёргарлик бўйича мураббий сифатида ишлаган.

"Астана" билан мамлакат чемпиони ва Кубогиги қўлга киритган. Шунингдек, Европа лигаси ҳамда конференциялар лигасида ҳам қатнашган. 

Чирич тажрибали мутахассис бўлиб, у эндиликда "Андижон" футболчиларининг жисмоний ҳолатини янада яхшилаб боради.